काठमाडौं– नेपाली कांग्रेस को ८० वर्षे इतिहासमा पहिलोपटक जनजाति समुदायबाट संसदीय दलको नेता चयन गरिएको छ।सिंहदरबारस्थित संसदीय दलको कार्यालयमा बसेको बैठकले पाँचथरबाट निर्वाचित भीष्मराज आङ्देम्बेलाई सर्वसम्मत रूपमा दलको नेता बनाएको हो।
यो निर्णय कांग्रेसका लागि ऐतिहासिक मात्र होइन, २०६४ सालपछि पहिलोपटक सर्वसम्मत रूपमा दलको नेता चयन गरिएको घटना पनि हो।
आङ्देम्बे आदिवासी जनजाति समुदायबाट संसदीय दलको नेतृत्व सम्हाल्ने पहिलो नेता बनेका छन्, जसलाई पार्टीभित्र समावेशिताको महत्वपूर्ण संकेतका रूपमा हेरिएको छ।
पछिल्लो आन्तरिक निर्वाचनमा शीर्ष नेताहरू पराजित भएपछि नयाँ नेतृत्वको रूपमा आङ्देम्बेको उदय भएको विश्लेषण गरिएको छ।
