काठमाडौं– गतिशील लोकतान्त्रिक पार्टीकी नेतृ नीशा अधिकारीले रञ्जु दर्शना लाई गृहमन्त्री बनाउनुपर्ने माग गरेकी छिन्।
सामाजिक सञ्जालमार्फत उनले पूर्व गृहमन्त्री सुधन गुरुङ पदबाट बाहिरिएपछि उक्त जिम्मेवारीका लागि रञ्जु दर्शना उपयुक्त पात्र भएको दाबी गरेकी हुन्। उनले अमरेश कुमार सिंह, विश्वराज पोखरेल, मनिष झा, राजुनाथ पाण्डे, गोविन्द पन्थी र दीपक बोहरा लगायतका नामप्रति असहमति जनाएकी छिन्।
अधिकारीले रञ्जु दर्शनामा “आँट र न्याय दिने क्षमता” रहेको भन्दै उनी पहिलो महिला गृहमन्त्री मात्र होइन, सक्षम नेतृत्वकर्ता बन्न सक्ने दाबी गरेकी छन्।
त्यसैगरी उनले वर्तमान सरकारको सुकुम्बासी बस्ती हटाउने निर्णय, विकास परियोजना व्यवस्थापन र क्रिकेट सम्बन्धी निर्णय शैलीप्रति कडा आलोचना पनि गरेकी छिन्।
हाल सेयर विवादपछि गृहमन्त्री पदबाट राजीनामा दिएका सुधन गुरुङको ठाउँमा प्रधानमन्त्री बालेन शाहले गृहमन्त्रालयको जिम्मेवारी सम्हालेका छन्।
