काठमाडौं– नेपाली बजारमा सोमबार सुन र चाँदी दुवैको मूल्य बढेको छ।
नेपाल सुनचाँदी व्यवसायी महासंघका अनुसार छापावाल सुन प्रतितोला ३ लाख ५०० रुपैयाँमा कारोबार भइरहेको छ। आइतबार २ लाख ९९ हजार २०० रुपैयाँ रहेको सुनको मूल्य एकै दिनमा १,३०० रुपैयाँले बढेको हो।
त्यस्तै चाँदीको मूल्य पनि उकालो लागेको छ। आइतबार ४ हजार ९९५ रुपैयाँ रहेको चाँदी सोमबार ५० रुपैयाँ बढेर ५ हजार ४५ रुपैयाँ पुगेको महासंघले जनाएको छ।
अन्तर्राष्ट्रिय बजारको प्रभावसँगै नेपाली बजारमा बहुमूल्य धातुको मूल्यमा उतारचढाव देखिँदै आएको छ।
