विराटनगर । पूर्वीनाका काँकडभिट्टाबाट ७ हजार ४२ पर्यटक नेपाल भित्रिएका छन् ।
चालु आर्थिक वर्ष २०८२\८३ को नौ महिनामा विभिन्न देशका पर्यटक नेपाल आएका हुन् । साउनदेखि चैतसम्म ८१ मुलुकका पर्यटकले यो नाका हुँदै नेपाल आएका थिए ।
नेपाल प्रवेश गरेका पर्यटकमध्ये उक्त अवधिमा सबैभन्दा बढी ४ हजार १५४ जना भुटानी पर्यटक छन् ।अमेरिका, थाइल्यान्ड, अस्ट्रेलिया र बेलायतका पर्यटक धेरै सङ्ख्यामा नेपाल आएका कार्यालयको अभिलेखमा उल्लेख छ ।
अमेरिकाबाट एक हजार ६१२, थाइल्यान्डबाट ५२५, अस्ट्रेलियाबाट २२९ र बेलायतबाट १८२ जना नागरिक नेपाल घुम्न आएका अध्यागमन कार्यालयकी प्रमुख तुलसी भट्टराईले जानकारी दिइन् ।
