साताको पहिलो दिन सुन–चाँदी महँगियो, सुन तोलामा २,७०० रुपैयाँ वृद्धि

काठमाडौं । नेपाली बजारमा साताको पहिलो दिन आइतबार सुन र चाँदीको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९९ हजार २०० रुपैयाँ पुगेको छ।

गत शुक्रबार सुन प्रतितोला २ लाख ९६ हजार ५०० रुपैयाँमा कारोबार भएको थियो। शुक्रबारको तुलनामा आइतबार सुनको मूल्यमा प्रतितोला २ हजार ७०० रुपैयाँले वृद्धि भएको छ।

सुनसँगै चाँदीको मूल्यमा पनि बढोत्तरी देखिएको छ। आज चाँदी प्रतितोला ४ हजार ९९५ रुपैयाँ कायम भएको छ। शुक्रबार चाँदी ४ हजार ९४५ रुपैयाँमा बिक्री भएको थियो। यस आधारमा चाँदीको मूल्यमा प्रतितोला ५० रुपैयाँले वृद्धि भएको छ।

अन्तर्राष्ट्रिय बजारमा हुने उतारचढावका कारण नेपाली बजारमा पनि सुनचाँदीको भाउ थपघट भइरहेको जनाइएको छ।