सुनसरी – सुनसरी प्रहरीले ठूलो परिमाणमा लागूऔषधसहित एक जनालाई नियन्त्रणमा लिएको छ।
इलाका प्रहरी कार्यालय इटहरीबाट खटिएको प्रहरी टोलीले विशेष सूचनाका आधारमा शनिबार साँझ इटहरी उपमहानगरपालिका–१९ स्थित शारदा विकास टोलमा छापा मार्दा भारत, बिहारका ३१ वर्षीय मोहम्मद सहनवाजलाई पक्राउ गरेको हो।
प्रहरीका अनुसार उनको साथबाट ट्रामाडोल ५०,५४० क्याप्सुल र डाइसाइक्लोमिन ९,५२० ट्याब्लेट गरी कुल ६०,०६० थान लागूऔषध बरामद गरिएको छ।
बरामद गरिएका औषधि अवैध रूपमा प्रयोग तथा कारोबारका लागि ल्याइएको प्रारम्भिक अनुसन्धानबाट खुलेको प्रहरीले जनाएको छ। पक्राउ परेका व्यक्तिलाई लागूऔषधसहित नियन्त्रणमा लिएर थप अनुसन्धान अघि बढाइएको छ।
