नेपाल सरकारले भारतीय सीमाबाट भित्रिने १०० रुपैयाँभन्दा बढी मूल्यका सामानमा भन्सार लागू गरेपछि भारतले आफ्नो प्रतिक्रिया दिएको छ ।भारतीय विदेश मन्त्रालयका प्रवक्ता रणधीर जायसवालले यो प्रावधान पुरानै भएको र नेपाल सरकारले अहिले लागू गरेको प्रतिक्रिया दिएका हुन् ।
सीमा क्षेत्रमा हुने अनौपचारिक व्यापार र तस्करीलाई रोक्ने उद्देश्यले नेपाल सरकारले उक्त प्रावधान लागू गरेको भारतको बुझाइ छ । निजी प्रयोजनका लागि लगिने घरायसी सामानमा कुनै अवरोध नहुने नेपाली अधिकारीले बताएको पनि उनले उल्लेख गरे ।
