काठमाडौं – सरकारले देशभरका सरकारी कर्मचारीका लागि विद्युतीय हाजिरी (इलेक्ट्रोनिक उपस्थिती प्रणाली) अनिवार्य गरेको छ।सङ्घीय मामिला तथा सामान्य प्रशासन मन्त्रालयले सबै मन्त्रालय, विभाग, कार्यालय तथा स्थानीय तहलाई पत्राचार गर्दै यस्तो निर्देशन दिएको हो।
मन्त्रालयका अनुसार अब कर्मचारीको उपस्थितिको अभिलेख अनिवार्य रूपमा विद्युतीय प्रणालीमार्फत राख्नुपर्नेछ। यदि कुनै कार्यालयमा यस्तो प्रणाली पूर्ण रूपमा लागू नभएको अवस्थामा पनि दैनिक रूपमा आएको–गएको समय इलेक्ट्रोनिक रूपमा नै रेकर्ड गर्नुपर्ने व्यवस्था मिलाउन भनिएको छ।
साथै, प्रत्येक १५ दिनको हाजिरी विवरण प्रिन्ट गरेर प्रमाणित गरी सुरक्षित राख्न पनि निर्देशन दिइएको छ।
