काठमाडौं – योग्यता नपुगेको व्यक्तिलाई महान्यायाधीवक्ता नियुक्त गरिएको दाबी गर्दै दायर गरिएका रिट निवेदनमाथि सर्वोच्च अदालतमा प्रारम्भिक सुनुवाइ सुरु भएको छ।
न्यायाधीश कुमार रेग्मीको इजलासमा तीन वटा फरक रिटमाथि एकसाथ सुनुवाइ भइरहेको हो। अधिवक्ता माधव बस्नेत, शिवराज बराल लगायत तथा दिपकराज जोशी सहितका समूहले छुट्टाछुट्टै रिट दायर गरेका हुन्।
सुरुमा अदालत प्रशासनले रिट दर्ता गर्न अस्वीकार गरेको भए पनि पछि एकल इजलासको आदेशबाट दर्ता भएको थियो।
रिटमा महान्यायाधीवक्ता नारायणदत्त कँडेलको नियुक्ति खारेज गर्न माग गरिएको छ। उनीसँग आवश्यक १५ वर्षको निरन्तर वकालत अनुभव नभएको दाबी रिटमा गरिएको छ।
