विराटनगर । नेपाल विद्युत् प्राधिकरण वितरण केन्द्र भरतपुरले चालु आर्थिक वर्षमा २ सय ७७ ग्राहकलाई कालोसूचीमा राखेको छ ।
लामो समयसम्म विद्युत् महसुल नतिर्ने ग्राहकलाई केन्द्रले कालोसूचीमा राखेको हो । वितरण केन्द्रका सूचना अधिकारी नन्दराम विष्टका अनुसार उनीहरुबाट एक करोड चार लाख १७ हजार ३ सय ८१ रुपैयाँ बक्यौता उठान बाँकी रहेको बताए ।
लामो समयसम्म बक्यौता नतिरेका उनीहरुलाई कालोसूचीमा राखेर कारबाही प्रक्रिया अघि बढाइएको हो । केन्द्रले बक्यौता उठाउनका लागि यस आर्थिक वर्षमा १ हजार ८सय२६ जना ग्राहकको विद्युत् लाइन काटेको छ ।
६ महिनासम्म पनि विद्युत् महसुल नतिरेका ग्राहकको लाइन काटिएको छ । केन्द्रमा हाल ७४ हजार ८७६ ग्राहक रहेका छन् । ती ग्राहकबाट ४९ करोड चार लाख १० हजार ४३७ बक्यौता उठाउन बाँकी रहेको उनले बताए ।
