उनका अनुसार बैठकमा पार्टीका गतिविधिको ब्रिफिङ तथा केन्द्रीय सदस्यहरूको रिपोर्टिङ प्रस्तुत हुनेछ। यसका लागि २० जना सदस्यलाई २–२ मिनेटका दरले समय छुट्याइएको छ।
त्यस्तै, महाधिवेशन कार्यविधि मस्यौदा, विधान संशोधन, स्थानीय तह उम्मेदवार क्लब गठन तथा आवेदन आह्वान सम्बन्धी विषयमा पनि छलफल हुने बताइएको छ।
बैठकमा प्रवासमा रहेका नेपालीलाई विदेशबाटै मताधिकार दिने विषय, सचिवालयका निर्णय अनुमोदन लगायतका विषयमा पनि छलफल भइरहेको छ। रास्वपाले विविध शीर्षकअन्तर्गत तीन वटा प्रस्तावमा समेत छलफल हुने जनाएको छ।
यसैगरी, विभिन्न आयोग, निकाय तथा पदाधिकारीबाट प्राप्त पत्राचार, विषयगत विभागहरूको योजना तयारी, नीति मन्थनसम्बन्धी निर्देशन तथा संसदीय दलको विधान संशोधनका विषय पनि एजेन्डामा समावेश गरिएको छ।
