विराटनगर । आमनेपाली उपभोक्ताले उपभोग गर्न सक्ने मूल्यमा पाइने केराको मूल्य पछिल्लो समय बढेर सर्वसाधारण उपभोक्ताले किन्नै नसक्ने भएको छ । पछिल्लो समयमा उपत्यकाका बजारमा केराको मूल्य गत वर्षभन्दा झन्डै दोब्बरले बढेको हो ।
गत वर्ष यो बेलामा प्रतिदर्जन औसत १२० देखि १५० रुपैयाँ थोकमा पाइने केराको मूल्य अहिले बढेर प्रतिदर्जन तीन सयदेखि ३५० रुपैयाँ पुगेको नेपाल फलफूल व्यवसायी संघले जनाएको छ । खुद्रा बजारमा केराको मूल्य प्रतिदर्जन तीन सय रुपैयाँदेखि ३५० रुपैयाँसम्म बिक्री भइरहेको छ ।
