सुरुमा दुवै लिगको अक्सनमा अनसोल्ड रहेका मुजराबानीलाई पछि इस्लामाबाद युनाइटेडले प्रतिस्थापन खेलाडीका रूपमा अनुबन्ध गरेको थियो। तर त्यसको केही समयमै उनले उक्त सम्झौता तोड्दै कोलकाता नाइट राइडर्स बाट आईपीएल खेल्न रोजेका थिए।
पीएसएलले यसलाई पेशागत अनुशासन उल्लंघन मानेर कडा कारबाही गरेको जनाएको छ। पहिले गरिएको सम्झौता हुँदाहुँदै अर्को लिग रोज्नु नियमविपरीत भएको ठहर गरिएको छ।
हाल मुजराबानी आईपीएलमा कोलकाता नाइट राइडर्सबाट खेलिरहेका छन् र सनराइजर्स हैदराबाद विरुद्धको खेलमा ४ विकेट लिएका थिए।
पीएसएलले यस्तै प्रकृतिका घटनामा अन्य खेलाडीमाथि पनि कडा कारबाही हुन सक्ने संकेत गरेको छ।
