काठमाडौं – शिशिर खनालले मन्त्रीहरूले सार्वजनिक गरेका सम्पत्तिका स्रोतहरू स्पष्ट रहेको बताएका छन्।
मोरिसस भ्रमणबाट फर्किएपछि त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा उनले भने, “आम्दानीका स्रोत स्पष्ट छन्, कसैले छानबिन गर्न चाहन्छ भने स्वाभाविक रूपमा गर्न सक्छ।”
खनालका अनुसार चार वर्षअघि स्थापना भएको राष्ट्रिय स्वतन्त्र पार्टीका मन्त्री तथा सांसदहरू विभिन्न पेशाबाट आएका भएकाले उनीहरूको आम्दानी हुनु स्वाभाविक हो।
उनले आफ्नो पार्टी सुरुदेखि नै सुशासनको पक्षमा रहेको उल्लेख गर्दै अघिल्लो गठबन्धन सरकारमा सहभागी हुँदा पनि रास्वपाका प्रतिनिधिहरूले सम्पत्ति विवरण सार्वजनिक गरेको स्मरण गराए।
प्रधानमन्त्रीसहित मन्त्रीहरूको सम्पत्ति विवरण आइतबार सार्वजनिक गरिएको थियो।
