काठमाडौं । सोमबार नेपाली बजारमा सुन र चाँदी दुवैको मूल्यमा गिरावट आएको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४०० रुपैयाँले घटेको हो। आइतबार प्रतितोला २ लाख ९७ हजार १०० रुपैयाँमा कारोबार भएको सुन आज घटेर २ लाख ९६ हजार ७०० रुपैयाँमा कायम भएको छ।
चाँदीको मूल्यमा पनि कमी आएको छ। आइतबार प्रतितोला ४ हजार ९७५ रुपैयाँमा कारोबार भएको चाँदी आज ७५ रुपैयाँले घटेर ४ हजार ९०० रुपैयाँमा झरेको छ।
अन्तर्राष्ट्रिय बजारमा हुने उतारचढावका आधारमा महासंघले दैनिक रूपमा नेपाली बजारका लागि सुन–चाँदीको मूल्य निर्धारण गर्दै आएको छ।
