उक्त समूहले तीन बुँदे माग अघि सार्दै एक हप्ताभित्र केन्द्रीय महाधिवेशनको मिति घोषणा गर्नुपर्ने जनाएको छ। साथै निष्पक्ष व्यक्तिको संयोजकत्वमा महाधिवेशन आयोजक समिति गठन गरी सन्तुलित र विश्वसनीय वातावरणमा महाधिवेशन सम्पन्न गर्नुपर्ने उनीहरूको माग छ।
त्यसैगरी, पार्टीभित्र भएका गतिविधिहरूको छानबिन गर्न छुट्टै समिति गठन गरी आगामी महाधिवेशनमा प्रतिवेदन पेश गर्नुपर्ने निर्णयसमेत गरिएको छ। उनीहरूले पार्टीको आदर्श, विधान र अनुशासन विपरीत भएका कामकारबाहीको निष्पक्ष मूल्यांकन आवश्यक रहेको बताएका छन्।
