विराटनगर ।चिकित्सा शिक्षा सुधारका अभियन्ता डा.गोविन्द केसीले जेनजी आन्दोलनमा घाइते एक युवतीलाई निःशुल्क एमबीबीएस अध्ययनका लागि छात्रवृत्ति उपलब्ध गराउने विषयमा शिक्षा मन्त्रालयले दिएको अभिव्यक्तिप्रति गम्भीर आपत्ति जनाएका छन्।
उनले आज एक विज्ञप्ति जारी गर्दै शिक्षा मन्त्रालयले राष्ट्रिय चिकित्सा शिक्षा ऐनअनुसार निर्णय भएको दाबी गर्नु गैरजिम्मेवारपूर्ण भएको भन्दै मन्त्रालयको अभिव्यक्तिप्रति आपत्ति जनाएका छन् ।
‘जेनजी घाइतेलाई निःशुल्क एमबीबीएस नियम विपरीत छैन’ भन्दै मन्त्रालयले विज्ञप्ति जारी गरेको थियो । मन्त्रालयको अभिव्यक्तिले सरकारले राष्ट्रिय चिकित्सा शिक्षा ऐन तथा नियमावली पढेको छैन् अथवा पेलेरै लाने मनसायबाट प्रेरित भएको बताउँदै जानाजानी उल्लंघन गर्न खोजेको संकेत गर्ने उनको भनाइ छ ।
जेनजी घाइतेलाई एमबीबीएस भर्ना दिनेबारे प्रधानमन्त्री बालेन शाहको निर्देशनमा सम्बन्धित मन्त्रीहरूको सह-अध्यक्षत्वमा बसेको चिकित्सा शिक्षा आयोगको आकस्मिक बैठकले गरेको निर्णय गैरकानुनी रहेको उल्लेख गर्दै मन्त्रालयको गैरजिम्मेवारपूर्ण अभिव्यक्ति फिर्ता लिन माग गरेका छन्।
