भ्रमणमा उनीसँगै पूर्वमन्त्री एवं नेतृ हिसिला यमी पनि सहभागी भएकी छन्। डा. भीमराव अम्बेडकरको जन्मजयन्तीको अवसर पारेर वैशाख १ गते आयोजना हुने उक्त व्याख्यानलाई बौद्धिक वृत्तमा विशेष महत्त्वका साथ हेरिएको छ।
विगत ११ वर्षदेखि निरन्तर आयोजना हुँदै आएको यस कार्यक्रममा भारतका उच्च पदस्थ व्यक्तित्व र विश्वप्रसिद्ध विद्वानहरूले सम्बोधन गर्दै आएका छन्। ग्वालियर बसाइँका क्रममा भट्टराईले विद्यार्थी, प्राध्यापक तथा अनुसन्धानकर्ताहरूसँग समसामयिक विषयमा अन्तरक्रिया गर्ने कार्यक्रम पनि रहेको छ।
ग्वालियरको कार्यक्रम सकेपछि उनी नयाँ दिल्ली प्रस्थान गर्नेछन्। वैशाख २ गते साउथ एसियन युनिभर्सिटी द्वारा आयोजित कार्यक्रममा उनले मुख्य सम्बोधन गर्नेछन्। दुवै कार्यक्रम सम्पन्न गरी भट्टराई वैशाख २ गते साँझ नेपाल फर्किने कार्यतालिका रहेको छ।
