आवश्यक परेको खण्डमा उपस्थित हुने शर्तमा पूर्वगृहमन्त्री रमेश लेखक पनि रिहा भएका छन् । जेन–जी आन्दोलनमा दमन गरेको भन्दै गत चैत १४ गते पक्राउ परेका लेखकलाई बिहीबार प्रहरीले हाजिरी जमानीमा छोडेको हो ।
पक्राउ परेयता लेखक महाराजगन्जस्थित प्रहरीको २ नम्बर गणमा रहेका थिए । सोमबार सर्वोच्च अदालतले हिरासत बाहिर राखेर अनुसन्धान गर्न दिएको आदेशअनुसार लेखकसँगै पूर्वप्रधानमन्त्री केपी शर्मा ओली पनि छुटिसकेका छन् । अदालतले ओली र लेखकको बयान तथा अनुसन्धानका हुने अन्य कार्यसमेत सम्पन्न भइसकेको जनाएको छ ।
