उद्घाटन कार्यक्रमका प्रमुख अतिथि बेद गच्छादारले सिला अनावरण र रिबन काटेर भवनको औपचारिक उद्घाटन गरे। कार्यक्रममा बोल्दै उनले सीमित स्रोतसाधनकाबीच दुहबी नगरपालिकाले विकास निर्माण, रोजगारी सृजना, कृषि प्रवर्द्धन, स्वास्थ्य, शिक्षा र पूर्वाधारका क्षेत्रमा उल्लेखनीय काम गरिरहेको दाबी गरे।
तर उनले कडा रूपमा धारणा राख्दै दुहबीमा हाइड्रोपावर र पर्यटनको ठूलो सम्भावना नभएको स्पष्ट पारे। “हावामा सपना देखेर हुँदैन, यहाँको वास्तविकता बुझ्नुपर्छ,” भन्दै उनले कृषिमा आधारित अर्थतन्त्र नै स्थानीय युवाको रोजगारीको मुख्य आधार बन्न सक्ने बताए। उनका अनुसार कृषि क्षेत्रलाई आधुनिकीकरण र व्यवसायीकरण गरेर मात्रै बेरोजगारी समस्या समाधान गर्न सकिन्छ।
उपमेयर मेनुका खतिवडाले नयाँ भवनबाट सेवा प्रवाह थप प्रभावकारी हुने विश्वास व्यक्त गरिन्। वडा अध्यक्ष मेहेदी हुसैनले चुनावताका गरेको प्रतिबद्धता पूरा गर्दै वडाबासीलाई सहज सेवा दिन सफल भएको बताए।कार्यक्रममा पूर्व जनप्रतिनिधिहरूलाई सम्मानसमेत गरिएको थियो।
