गुरुङले अवैध रूपमा कमाइएको रकम स्वीस बैंकमा जम्मा भएको भए त्यसबारे अनुसन्धान गर्न दुई देशबीच सहकार्य आवश्यक रहेको उल्लेख गर्दै त्यस्ता रकम पुष्टि भए नेपाल सरकारको अनुरोधमा फिर्ता ल्याउने व्यवस्था मिलाइदिन अनुरोध गरे।
भेटका क्रममा राजदूत मैवलीले गृहमन्त्री गुरुङलाई पदभार सम्हालेकोमा बधाई दिँदै सफल कार्यकालको शुभकामना व्यक्त गरिन्। साथै, उनले नेपाल र स्विट्जरल्याण्डबीच आप्रवासन सम्बन्धी विषयमा सहकार्य बढाउने प्रस्ताव पनि राखिन्। यसमा गृहमन्त्री गुरुङले उक्त विषय हाल छलफलमै रहेको जानकारी गराएका छन्।
त्यसैगरी, राजदूतले नेपालमा जलवायु परिवर्तन तथा विपद् जोखिम न्यूनीकरणका क्षेत्रमा सहयोग गर्ने प्रतिबद्धता जनाइन्। विशेषगरी पूर्व चेतावनी प्रणालीलाई थप प्रभावकारी बनाउन स्वीस सरकारले आवश्यक सहकार्य गर्ने उनको भनाइ रहेको छ।
