काठमाडौ ।पूर्वप्रधानमन्त्री शेरबहादुर देउवा र उनकी पत्नी तथा पूर्वमन्त्री डा. आरजु राणा देउवा विरुद्ध पक्राउ पुर्जी जारी भएको खबर सार्वजनिक भएको छ। गैरकानुनी सम्पत्ति आर्जनसम्बन्धी अनुसन्धानका क्रममा सम्पत्ति शुद्धीकरण अनुसन्धान विभागले जिल्ला अदालत काठमाडौं बाट पक्राउ अनुमति लिएको उच्च स्रोतले जनाएको छ।
स्रोतका अनुसार अदालतले पक्राउ अनुमति दिइसकेको भए पनि देउवा दम्पत्ति हाल विदेशमा रहेकाले तत्काल पक्राउ सम्भव भएको छैन।
यसअघि जेनजी आन्दोलनका क्रममा देउवाको बुढानीलकण्ठस्थित निवासमा नगद रकम भेटिएको विषय सार्वजनिक भएको थियो। सो घटनापछि सम्पत्ति शुद्धीकरण अनुसन्धान विभागले देउवा निवासमा पुगेर मुचुल्का उठाएको थियो। त्यसपछि अनुसन्धान प्रक्रिया अगाडि बढाइएको हो।
हाल उक्त प्रकरणको अनुसन्धान केन्द्रीय अनुसन्धान ब्यूरो (CIB) ले अगाडि बढाइरहेको जनाइएको छ।
