विराटनगर । परराष्ट्रमन्त्री शिशिर खनाल र नेपालका लागि चीनका राजदूत झाङ माओमिङबिच भेटवार्ता भएको छ।
मंगलबार परराष्ट्र मन्त्रालयमा भएको भेटमा राजदूत माओमिङले चिनियाँ विदेशमन्त्री वाङ यीको तर्फबाट मन्त्री खनाललाई कार्यभार सम्हालेकोमा बधाई तथा शुभकामना सन्देश हस्तान्तरण गरेका छन्।
भेटका क्रममा नेपाल र चीनबिचको ऐतिहासिक सम्बन्धलाई थप सुदृढ बनाउने र आपसी हितका क्षेत्रमा सहकार्य बढाउने विषयमा विस्तृत छलफल भएको छ।
