काठमाडौं — कलाकार सागर लम्साल ‘बले’लाई पाँच दिन हिरासतमा राखेर अनुसन्धान गर्न अनुमति दिइएको छ। काठमाडौंका प्रमुख जिल्ला अधिकारी ईश्वरराज पौडेलले प्रहरीलाई सो अनुमति दिएका हुन्।
प्रहरीका अनुसार अमेरिकामा बस्ने एक युवतीले सामाजिक सञ्जालमार्फत लम्सालमाथि जबरजस्ती करणी गरेको आरोप लगाएकी छन्। उक्त आरोपको आधारमा अनुसन्धान अघि बढाउन प्रहरीले उनलाई पक्राउ गरेको जनाएको छ।
यद्यपि, हालसम्म लम्सालविरुद्ध औपचारिक रूपमा किटानी जाहेरी भने दर्ता भएको छैन। सोही कारण प्रारम्भिक अनुसन्धानका लागि प्रहरीले अभद्र व्यवहार सम्बन्धी कसुरअन्तर्गत हिरासतको अनुमति मागेको थियो।
प्रहरीले घटनाबारे थप अनुसन्धान भइरहेको जनाएको छ।
