पोखरा – फेवाताल किनारमा मापदण्ड विपरीत निर्माण गरिएका अस्थायी संरचनामा डोजर चलाइएको छ।
गृह मन्त्रालयको निर्देशनअनुसार शनिबार बिहानैदेखि तालको ६५ मिटरभित्र पर्ने संरचनाहरू हटाउने अभियान सुरु गरिएको हो। यस क्रममा ताल संरक्षण मापदण्ड उल्लंघन गरेका विभिन्न संरचनाहरू भत्काउन थालिएको छ।
यस्तै, चर्चित पर्यटन व्यवसायी कर्ण शाक्य को पोखरास्थित होटल वाटर फ्रन्ट मा पनि डोजर चलाइएको छ। होटलको स्विमिङ पुल, गेट लगायत संरचनामा प्रहरीको उपस्थितिमा भत्काउने काम गरिएको हो।
कास्की प्रहरीका प्रवक्ता डीएसपी हरीबहादुर बस्नेत का अनुसार जिल्ला प्रहरी कार्यालय, बैदाम प्रहरी, नगर प्रहरी तथा सशस्त्र प्रहरी गरी करिब डेढ सय सुरक्षाकर्मी परिचालन गरिएको छ।
संरचना भत्काउन सुरु गरेपछि केही स्थानीयले असहमति जनाउँदै विरोधसमेत गरेका छन्।
यसअघि बालेन्द्र शाह र पोखरा महानगरका मेयर धनराज आचार्य बीच फेवाताल संरक्षणका विषयमा टेलिफोन संवाद भएको
