विराटनगर – जीवन विकास लघुवित्त वित्तीय संस्था र युनिक नेपाल लघुवित्त वित्तीय संस्था लिमिटेड बीच मर्जर सम्झौता भएको छ।
शनिबार भएको सम्झौतामा जीवन विकासका अध्यक्ष विक्रमराज सुवेदी र युनिक नेपालका अध्यक्ष शिवबहादुर चौधरीले हस्ताक्षर गरेका छन्।
मोरङको कटहरीस्थित केन्द्रीय कार्यालय रहेको जीवन विकास लघुवित्तले हाल १६० शाखामार्फत कोशी, मधेश र बागमती प्रदेशका ३१ जिल्लामा करिब ३ लाख १५ हजार सदस्यलाई सेवा दिँदै आएको छ।
त्यस्तै, बाँकेको कोहलपुरस्थित युनिक नेपाल लघुवित्तले पश्चिम नेपालका १० जिल्लामा ४१ शाखामार्फत ८० हजारभन्दा बढी सदस्यलाई सेवा प्रवाह गर्दै आएको छ।
मर्जरपछि संस्थाको नाम भने जीवन विकास लघुवित्त वित्तीय संस्था नै रहनेछ र केन्द्रीय कार्यालय पनि कटहरी, मोरङमै रहने जनाइएको छ। सेवा क्षेत्र पूर्वको झापादेखि पश्चिमको कञ्चनपुरसम्म विस्तार हुने बताइएको छ।
मर्जरपछि संस्थाको पुँजीगत आधार र सेवा पहुँच अझ सुदृढ हुने अपेक्षा गरिएको छ। मर्जर प्रक्रिया सुरु भएसँगै नेपाल धितोपत्र बोर्ड को प्रावधानअनुसार दुवै संस्थाका सेयर कारोबार हाललाई रोक्का गरिएको छ, जुन आगामी साधारण सभा सम्पन्न नभएसम्म कायम
