काठमाडौं – जिल्ला अदालत काठमाडौंले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक लाई ५ दिन थुनामा राखेर अनुसन्धान गर्न अनुमति दिएको छ।
न्यायाधीश आनन्दप्रसाद श्रेष्ठ को इजलासले आइतबार म्याद थपको अनुमति दिएको हो। यसअघि सरकारी वकिल कार्यालयले १० दिन थुनामा राख्न माग गरेको थियो।
अदालतमा लेखक स्वयं उपस्थित भएका थिए भने स्वास्थ्य समस्याका कारण त्रिवि शिक्षण अस्पताल मा रहेका ओली भर्चुअल माध्यमबाट सहभागी भएका थिए।
भदौ २३ र २४ गतेको जेन–जी आन्दोलनमा भएको दमनको छानबिनका लागि गौरीबहादुर कार्की नेतृत्वको आयोगले गरेको सिफारिसका आधारमा प्रहरीले शनिबार बिहान उनीहरूलाई पक्राउ गरेको थियो।
आइतबार अदालतमा उपस्थित गराइएपछि उनीहरूलाई थप अनुसन्धानका लागि ५ दिन हिरासतमा राख्न अनुमति दिइएको हो।
