काठमाडौं – नेकपा (एमाले) अध्यक्ष तथा पूर्वप्रधानमन्त्री केपी शर्मा ओली र कांग्रेस नेता तथा पूर्वगृहमन्त्री रमेश लेखकलाई थुनामा राख्न म्याद थपको निवेदनमाथि जिल्ला अदालत काठमाडौंमा बहस सकिएको छ।
आइतबार न्यायाधीश आनन्दप्रसाद श्रेष्ठको इजलासमा म्याद थपसम्बन्धी बहस सम्पन्न भएको हो। सरकारी वकिलले उनीहरूलाई १० दिन थुनामा राखेर अनुसन्धान अघि बढाउन माग गरेका थिए।
जेन–जी आन्दोलनको दमनबारे छानबिन गर्न गठित गौरीबहादुर कार्की नेतृत्वको आयोगले फौजदारी मुद्दा चलाउन सिफारिस गरेपछि प्रहरीले उनीहरूलाई शनिबार पक्राउ गरेको थियो।
अदालतमा लेखक स्वयं उपस्थित भएका थिए भने स्वास्थ्य समस्याका कारण त्रिवि शिक्षण अस्पतालमा रहेका ओली भर्चुअल माध्यमबाट उपस्थित भएका थिए।
अब म्याद थप गर्ने वा नगर्नेबारे इजलासले केहीबेरमै निर्णय सुनाउने जिल्ला अदालतले जनाएको छ।
