काठमाडौं – रोयल च्यालेन्जर्स बेङ्गलोर (आरसिबी) ले इन्डियन प्रिमियर लिग २०२६ को उद्घाटन खेलमा सनराइजर्स हैदराबादमाथि ६ विकेटको सानदार जित दर्ता गरेको छ। चिन्नास्वामी स्टेडियममा शनिबार भएको खेलमा हैदराबादले दिएको २०२ रनको विशाल लक्ष्य आरसिबीले मात्र १५.४ ओभरमा ४ विकेट गुमाएर २०३ रन बनाउँदै पूरा गर्यो।
आरसिबीको जितमा विराट कोहली र देवदत्त पडिक्कल चम्किए। कोहलीले ६९ रन बनाउँदा पडिक्कलले २६ बलमै ६१ रनको विस्फोटक इनिङ्स खेले। यसअघि पहिले ब्याटिङ गरेको हैदराबादका लागि ईशान किशनले ३८ बलमा ८० रनको आक्रामक पारी खेले पनि टोलीलाई जित दिलाउन सकेनन्।
बलिङतर्फ आरसिबीका डेब्युट्यान्ट ज्याकब डफी नायक बने। उनले ४ ओभरमा २२ रन खर्चेर ३ महत्वपूर्ण विकेट लिए। उनले अभिषेक शर्मा, ट्राभिस हेड र नितीश कुमार रेड्डीलाई आउट गर्दै हैदराबादको इनिङ्स कमजोर बनाएका थिए।
डफीको किफायती बलिङ र पडिक्कलको विस्फोटक ब्याटिङले आरसिबीलाई उद्घाटन खेलमै प्रभावशाली जित दिलायो।
