विराटनगर । नेकपा एमालेले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको पक्राउ विरुद्ध देशव्यापी विरोधका कार्यक्रम घोषणा गरेको छ ।
शनिबार बिहान ललितपुरको च्यासलस्थित पार्टी मुख्यालयमा उपाध्यक्ष रामबहादुर थापा बादलको अध्यक्षतामा बसेको सचिवालयको आकस्मिक बैठकले उनीहरुको तत्काल रिहाइको मागसहित चार बुँदे निर्णय गर्दै कानुनी र राजनीतिक रूपमा सशक्त प्रतिवाद गर्ने निर्णय गरेको हो ।
यस्ता छन् एमालेका चार निर्णय
१.आम जनसमुदाय र नागरिक समाजको साथमा कानुनी तथा राजनीतिक रूपमा सशक्त प्रतिवाद गर्ने।
२. प्रत्येक जिल्लाको सदरमुकाममा शनिबार अपराह्न ३ बजे जनसंगठनको तर्फबाट विरोध प्रदर्शन गर्ने।
३. चैत्र १५ गते १२ बजे जिल्ला पार्टी कमिटीको आयोजनामा व्यापक प्रदर्शन गर्दै प्रमुख जिल्ला अधिकारी ९प्रजिअ० कार्यालयमा विरोधपत्र बुझाउने।
४.लोकतन्त्र र कानुनी राज्यका पक्षधर दलहरू, नागरिक समाज तथा आमजनसमुदायसँग संवाद र सहकार्य गर्ने।
बैठकपछि सार्वजनिक गरिएको निर्णय अनुसार एमालेले आमजनसमुदाय, नागरिक समाज र लोकतन्त्र पक्षधर शक्तिहरूसँग सहकार्य गर्दै विरोधका कार्यक्रम अघि बढाउने बताएको छ।
