रास्वपाकी सहप्रवक्ता प्रतिभा रावल सङ्घीय मामिला तथा सामान्य प्रशासन मन्त्री बनेकी छन् । उनी समानुपातिक प्रणालीबाट प्रतिनिधिसभा सदस्यमा निर्वाचित भएकी थिइन् । सुदूरपश्चिम प्रदेशका १६ निर्वाचन क्षेत्रमध्ये रास्वपाले १० क्षेत्रमा जित हासिल गरेको थियो ।
पूर्वप्रधानमन्त्री शेरबहादुर देउवाको निर्वाचन क्षेत्रमा जित हासिल गरेर चर्चामा आएका डा. तारा जोशी मन्त्री बन्न सक्ने अनुमान गरिएको थियो । यस्तै, कैलाली-२ बाट निर्वाचित केपी खनाल तथा कैलाली-५ का डा. आनन्द चन्दको नाम पनि आएको थियो । तर, उनीहरू कोही पनि मन्त्री बनेनन् । उनीहरूलाई पछि पर्दै रावल समानुपातिकतर्फ बाट सामान्य प्रशासन मन्त्री बनिन् ।
उनी एक दशकभन्दा बढी समय पत्रकारिता गरेकी रावलले साउथ एसिया फ्याक्ट चेक, रिपब्लिका दैनिक र ग्यालेक्सी फोरके टेलिभिजनमा काम गरेकी छन् । रवि लामिछाने गृहमन्त्री हुँदा उनको सचिवालयमा रहेर काम गरेकी थिइन् । लामिछानेलाई उनले कानूनी पाटोमा निकै सहयोग गरेकी छन् ।
रास्वपाभित्र उनी शालिन र जुझारु नेतृको रूपमा परिचित छिन् । रास्वपा गठनको सुरुआतदेखि नै सक्रिय रहँदै आएकी रावल पहिलो प्रयासमै कार्यपालिकामा पुग्न सफल भएकी छन् । यसअघि उनको नाम सभामुखका लागि समेत चर्चामा आएको थियो । अब उनी मन्त्री बनेसँगै सभामुखमा उपसभापति डीपी अर्याललाई पठाउने तयारी गरेको छ ।
