राष्ट्रिय स्वतन्त्र पार्टी (रास्वपा) का उपसभापति स्वर्णिम वाग्लेले अर्थ मन्त्रीको पद तथा गोपनीयताको शपथ लिएका छन् । शुक्रबार शपथ लिएसँगै उनले सिंहदरबारस्थित अर्थ मन्त्रालयमा पुगेर पदभार ग्रहण गरेका हुन् । उनी पहिलो पटक मन्त्री बनेका हुन् । उनले अर्थमन्त्रीको जिम्मेवारी पाएलगत्तै राजस्व अनुसन्धान विभाग सहित १५ ऐन खारेज गर्ने पहिलो निर्णय गरेका छन् । चैत १३ गतेसम्मको पछिल्लो आर्थिक स्थितिपत्र तयार पार्न कार्यदल गठन गर्ने निर्णय गरेका छन् । उनले २०७९ सालको चैतमा रास्वपा प्रवेश गरेका थिए । गत फगुनमा सम्पन्न निर्वाचनमा तनहुँ क्षेत्र नं १ मा कांग्रेसका उम्मेदवार गोविन्द भट्टराईलाई पराजित गर्दै प्रतिनिधिसभा सदस्यमा निर्वाचित भएका थिए । त्यसैगरी, अघिल्लो निर्वाचनमा सोही क्षेत्रबाट कांग्रेसका उम्मेदवार गोविन्द भट्टराईलाई गर्दै निर्वाचित भएका थिए । उनले लन्डन स्कुल अफ इकोनमिक्स, हावर्ड विश्वविद्यालय र अस्ट्रेलियन नेसनल युनिभर्सिटीबाट उच्च शिक्षा प्राप्त गरेका थिए । २०७१ सालमा नेपाल फर्केका उनी राष्ट्रिय योजना आयोगका सदस्य बने । २०१४ देखि २०१८ सालसम्म दुई कार्यकाल सदस्य र एक कार्यकाल उपाध्यक्ष भई काम गरेका थिए ।
