काठमाडौं । राष्ट्रिय स्वतन्त्र पार्टी (रास्वपा)को केन्द्रीय समिति आज अपराह्न ४ बजे पार्टी केन्द्रीय कार्यालय, बनस्थलीमा बस्दैछ। बैठकको मुख्य एजेन्डा संसदीय दलको नेता चयन गर्नु रहेको पार्टी स्रोतहरूले जानकारी दिएका छन्।
केन्द्रीय समितिबाट संसदीय दलको नेता चयन भएपछि, रास्वपा संसदीय दलले बालेन शाहलाई नेता चयन गर्ने तयारीमा छ। आजै नवनिर्वाचित सांसदहरूले शपथ ग्रहण गर्ने कार्यक्रम रहेको छ। शपथ ग्रहण सकिएपछि रास्वपाले तत्काल केन्द्रीय समिति बैठक बोलाएको हो।
यस बैठकको निर्णयपछि शुक्रबार बालेन शाहलाई प्रधानमन्त्रीको रूपमा शपथ ग्रहण गराइने तय भएको छ। रास्वपाले चुनावअघि नै वरिष्ठ नेता बालेनलाई भावी प्रधानमन्त्रीको रूपमा घोषणा गरिसकेको थियो। पार्टी र बालेनबीच भएको सहमतिमा पनि उनलाई प्रधानमन्त्री बनाउने उल्लेख गरिएको छ।
यसैसँगै, रास्वपाको केन्द्रीय समिति बैठकले आगामी सरकारको नेतृत्व संरचना र संसदीय दलभित्रको भूमिकाहरू निर्धारण गर्ने महत्वपूर्ण भूमिका खेल्नेछ। पार्टीले बैठकपछि विस्तृत जानकारी सार्वजनिक गर्ने तयारी गरेको छ।
