एजेन्सी । अमेरिकामा गत मंगलबार बिहान उल्कापिण्ड खसेपछि वैज्ञानिक समुदाय पनि आश्चर्य चकित भएको छ । सामान्यतया रातको समयमा मात्रै स्पष्ट देखिने उल्कापिण्ड अमेरिकाको ओहायो राज्यस्थित क्लीभल्यान्ड शहरमा दिनदहाडै खसेर शक्तिशाली विस्फोट भएपछि वैज्ञानिक छक्क परेका हुन् ।
तथापि उक्त उल्कापिण्ड मानवरहित क्षेत्रमा खसेकाले ठुलो जोखिम टरेको अमेरिकी अन्तरिक्ष संस्था नासाले जनाएको छ । नासाका अनुसार आकाशबाट खसेको उक्त वस्तु करिब ६ फिट व्यास र लगभग ७ टन तौल भएको ठोस क्षुद्रग्रह थियो जुन करिब ७२ हजार ४०० किलोमिटर प्रतिघण्टाको तीव्र गतिमा पृथ्वीको वायुमण्डलमा प्रवेश गरेको थियो ।
