काठमाडौं – आयरल्यान्ड क्रिकेट टोली ले सन् २०२६ मा नेपाल भ्रमण गर्ने भएको छ। आयरल्यान्डले सार्वजनिक गरेको वार्षिक कार्यक्रमअनुसार नेपाल आएर शृंखला खेल्ने उल्लेख गरिएको हो।अन्तर्राष्ट्रिय क्रिकेट परिषद् मा प्रकाशित विवरणअनुसार आयरल्यान्डले अगस्टमा अफगानिस्तान क्रिकेट टोली सँगको सिरिजपछि नेपाल भ्रमण गर्ने तालिका छ।
नयाँ पाँच वर्षे रणनीतिक साझेदारीअन्तर्गत आयरल्यान्डले नेपालमा एकदिवसीय र टी–२० सिरिज खेल्ने तयारी गरेको जनाइएको छ।
यद्यपि, यस विषयमा नेपाल क्रिकेट संघ (क्यान) ले औपचारिक रूपमा पुष्टि भने गरिसकेको छैन। क्यानका पदाधिकारीसँग सम्पर्क गर्ने प्रयास भए पनि तत्काल प्रतिक्रिया प्राप्त हुन सकेन। यसअघि क्यानका सचिव पारस खड्का ले वार्षिक क्यालेन्डर सार्वजनिक गर्दै नेपालमा कम्तीमा दुई टेस्ट राष्ट्रसँग घरेलु शृंखला खेल्ने लक्ष्य रहेको बताएका थिए।
यस भ्रमणले नेपाली क्रिकेटलाई अन्तर्राष्ट्रिय स्तरमा थप अनुभव र अवसर प्रदान गर्ने अपेक्षा गरिएको छ।
