पोखरा । नवनिर्वाचित सांसद महावीर पुनले शिक्षा – स्वास्थ्यजस्ता क्षेत्र सुधारका लागी राजनीतिक रुपमा हुने भागबण्डाको अन्त्य हुनुपर्ने बताएका छन् । पोखराको एक कार्यक्रममा बोल्दै उनले आफूले त्यसको सुरुवात गर्न चाहेर पनि पूरा गर्न नसकेको बताउँदै अब बन्ने सरकारले चाहँदा त्यो पूरा हुने उनको भनाई छ ।
विश्वविद्यालय, विद्यालय तथा स्वास्थ्य संस्थाहरूमा बढ्दो राजनीतिक हस्तक्षेप अन्त्य गरी स्वच्छ र गुणस्तरीय वातावरण निर्माण गर्नुपर्नेमा जोड दिए। यसका लागि विद्यमान शिक्षा ऐन तथा विश्वविद्यालय ऐनमा व्यापक संशोधन अपरिहार्य रहेको उनको भनाइ छ।
त्यस्तै, सिटिइभिटीलाई पुनर्संरचना गरी सैद्धान्तिक भन्दा सीपमुखी शिक्षामा केन्द्रित गर्नुपर्ने उनले उल्लेख गरे। देशको समग्र विकासका लागि व्यवहारिक, रोजगारमुखी र प्राविधिक शिक्षालाई प्राथमिकता दिनुपर्नेमा पुनले जोड दिएका छन्।
