काठमाडौं — सर्वोच्च अदालतले रवि लामिछाने सम्बन्धी मुद्दामा महान्यायाधिवक्ताको संशोधित निर्णय पेश गर्न आदेश दिएको छ।
न्यायाधीश सारंगा सुवेदी र सुनिलकुमार पोखरेलको इजलासले २ माघमा गरिएको निर्णयसमेत पेश गर्न निर्देशन दिएको हो।
यसअघि महान्यायाधिवक्ता सबिता भण्डारी बरालले ३० पुसमा लामिछानेको हकमा मात्र आरोपपत्र संशोधन गर्ने निर्णय गरेकी थिइन् भने त्यसपछि २ माघमा सबै आरोपितका हकमा संशोधन गर्ने अर्को निर्णय भएको थियो।
सर्वोच्चमा सुरुमा ३० पुसको निर्णय मात्रै पेश भएपछि इजलासले थप निर्णय झिकाएर पेश गर्न आदेश दिएको हो।
यस आदेशसँगै उक्त मुद्दाको सुनुवाइ केही समयका लागि लम्बिने देखिएको छ।
