काठमाडौं — नेपाली कांग्रेसका सभापति गगन थापाले पदबाट राजीनामा दिएका छन्।
गत फागुन २१ गते सम्पन्न प्रतिनिधिसभा निर्वाचनमा पराजित भएपछि उनले बुधबार उपसभापति विश्वप्रकाश शर्मालाई राजीनामा बुझाएका हुन्।
यसअघि काठमाडौं–४ बाट निर्वाचित हुँदै आएका थापा यसपटक सर्लाही–४ बाट उम्मेदवार बनेका थिए, जहाँ उनी अमरेशकुमार सिंहसँग पराजित भएका थिए।
निर्वाचनमा राष्ट्रिय स्वतन्त्र पार्टीले झन्डै दुईतिहाइ सिट प्राप्त गर्दा दोस्रो स्थानमा रहेको कांग्रेसले प्रत्यक्षतर्फ १८ र समानुपातिकतर्फ २० गरी जम्मा ३८ सिट मात्र जितेको छ।
चुनावी नतिजापछि राजीनामा दिने तयारी गरेका थापालाई पार्टीभित्रका नेताहरूले नदिन दबाब दिएका थिए। उनको राजीनामाबारे निर्णय पार्टीको आगामी केन्द्रीय कार्यसमिति बैठकले गर्ने बताइएको छ।
