विराटनगर । नेपाल कम्युनिस्ट पार्टीका नेतालाई निर्वाचन सफल पार्न भूमिका खेलेको भन्दै प्रधानमन्त्री सुशीला कार्कीले धन्यवाद दिएकी छन् ।
प्रधानमन्त्री कार्कीको निम्तोमा आज नेकपाका संयोजक पुष्पकमल दाहाल, सहसंयोजक माधवकुमार नेपाल, नारायणकाजी श्रेष्ठ र वर्षमान पुनलगायत नेता बालुवाटार पुगेका थिए ।
उनले भनिन् ‘तपाईँहरूले निर्वाचनमा भाग लिइदिनुभयो । चुनावको पक्षमा वातावरण बनाउनु भयो र मुलुकलाई शान्तिपूर्ण र लोकतान्त्रिक विधिबाट निकास दिन सहयोगी भूमिका खेल्नुभयो । यसका निम्ति धेरै धन्यवाद छ।’
त्यस्तै, उनले चुनावमा विजेता नेतालाई बधाई दिँदै पराजितलाई अर्को पटकका लागि शुभकामना दिइन् ।
