विराटनगर । जेनजी आन्दोलनको बलमा बसेको सुशीला कार्की नेतृत्वको अन्तरिम सरकारले अब बन्ने शक्तिशाली सरकारलाई सत्ता हस्तान्तरण गर्नुअघि धमाधम लाभको पद बाँडेको छ । जेनजी आन्दोलनको मागअनुसार सुशासन कायम गर्ने प्रतिबद्धता जनाएर सरकारको नेतृत्व गरेकी कार्कीले चुनाव गराएर सरकार छाड्ने केही दिन मात्रै बाँकी रहँदा आफ्ना विश्वासपात्रहरुलाई पद बाँडेकी हुन् ।
आफू निकट भएर चुनाव गराउन भूमिका खेलेको भन्दै कार्कीले गृहमन्त्री ओमप्रकाश अर्याललाई राष्ट्रियसभा सदस्यमा सिफारिस गरेकी छन् । त्यस्तै कार्कीले राष्ट्रिय प्रकृति संरक्षण कोषको अध्यक्षमा आफ्ना स्वकीय सचिव आदर्शकुमार श्रेष्ठलाई नियुक्त गरेकी छिन् ।
चैत ५ गते निर्वाचन आयोगले राष्ट्रपतिसमक्ष चुनावको प्रतिवेदन बुझाएलगत्तै राजीनामा दिने तयारी गरेकी कार्की अन्तिम क्षणमा धमाधम आफ्ना विश्वासपात्रहरुलाई लाभको पद बाँडेकी हुन् ।
