सिराहा— सिराहा क्षेत्र नम्बर ३ मा जनता समाजवादी पार्टी, नेपाल (जसपा)बाट उम्मेदवार रहेका अशेश्वर यादवलाई प्रहरीले नियन्त्रणमा लिएको छ।
जिल्ला प्रहरी कार्यालय सिराहाका अनुसार मंगलबार राति नियमित जाँचका क्रममा उनलाई पक्राउ गरिएको हो। यादवलाई ४ लाख ८७ हजार रुपैयाँ नगदसहित नियन्त्रणमा लिइएको प्रहरीले जनाएको छ।
उनीसहित पाँच जनालाई पक्राउ गरिएको छ। पक्राउ परेकामाथि निर्वाचन आचारसंहिताअनुसार कारबाही गरिने प्रहरीले जानकारी दिएको छ।
