ताप्लेजुङ — प्रधानमन्त्री सुशीला कार्की प्रतिनिधिसभा सदस्य निर्वाचनको तयारी, शान्तिसुरक्षाको अवस्था तथा जिल्लाका समग्र गतिविधिबारे जानकारी लिन आज ताप्लेजुङ पुगेकी छन्।
आज बिहान उनले पाथीभरा मन्दिर मा पूजाअर्चना गरेकी हुन्। पूजाअर्चनापछि सामाजिक सञ्जालमार्फत उनले ‘फागुन महिना, निर्वाचन महिना । पाथीभराबाट सुरुआत । शान्तिपूर्ण निर्वाचनका लागि कामना गरेकी छु’ उल्लेख गरेकी छन्।
प्रधानमन्त्री कार्कीले जिल्लास्थित सुरक्षा निकायका प्रमुख, मुख्य निर्वाचन अधिकृत तथा निर्वाचनमा खटिएका अधिकारीहरूसँग भेटघाट गर्ने कार्यक्रम रहेको जनाइएको छ।
