विराटनगर – नेकपा एमालेका नेता तथा प्रतिनिधि सभा सदस्य मोरङ क्षेत्र नं. ६ का उम्मेदवार बिनोद ढकालका पिता विष्णु प्रसाद ढकालको १०१ वर्षको उमेरमा बिहीबार बिहान निधन भएको छ।
समाजमा सम्मानित व्यक्तित्वका रूपमा परिचित स्वर्गीय ढकालको निधनप्रति विभिन्न राजनीतिक तथा सामाजिक व्यक्तित्वहरूले दुःख व्यक्त गरिरहेका छन्।
नेकपा एमाले विराटनगर परिवारले शोक वक्तव्य जारी गर्दै स्वर्गीय विष्णु प्रसाद ढकालप्रति भावपूर्ण श्रद्धाञ्जली अर्पण गरेको छ। साथै शोकसन्तप्त परिवारजनमा धैर्यधारण गर्ने शक्ति प्राप्त होस् भनी गहिरो समवेदना व्यक्त गरेको छ।
उनको पार्थिव शरीरको अन्त्येष्टि आज दिउँसो ३ बजे विराटनगर–१ स्थित परोपकार घाटमा गरिने परिवार स्रोतले जनाएको छ।
