काठमाडौं । साताको कारोबारको पहिलो दिन आइतबार सुनको मूल्य बढेको छ। अघिल्लो कारोबार दिनको तुलनामा आज सुनको मूल्य प्रतितोला ९ हजार ५ सय रुपैयाँले वृद्धि भएको हो।
नेपाल सुनचाँदी व्यवसायी महासंघका अनुसार अघिल्लो दिन प्रतितोला दुई लाख ९१ हजार रुपैयाँमा कारोबार भइरहेको छापावाला सुन आज बढेर प्रतितोला तीन लाख ५ सय रुपैयाँमा कारोबार भइरहेको छ।
यता चाँदीको मूल्य पनि बढेको छ। आज चाँदीको मूल्य प्रतितोला ३०० रुपैयाँले बढेर ५ हजार १० रुपैयाँ कायम भएको छ।
महासंघका अनुसार आज प्रति १० ग्राम छापावाला सुनको मूल्य दुई लाख ५ हजार ६ सय ३० रुपैयाँ र प्रति १० ग्राम चाँदीको मूल्य ४ हजार २९५ रुपैयाँ ५० पैसा निर्धारण गरिएको छ।
