रतुवामाई । मोरङ निर्वाचन क्षेत्र नम्बर २ का उम्मेदवार दिलीप बगडियाले एमालेका अगुवा नेता–कार्यकर्तासँग सुझाव लिने क्रम बढाएका छन् ।
नेपाल कम्युनिष्ट पार्टी (एमाले)का उम्मेदवार बगडियाले अग्रज नेता–कार्यकर्ता तथा आम मतदातासँग सुझाव संकलन गर्ने क्रमलाई तीव्रता दिएका हुन् ।
रतुवामाई नगरपालिका–३ मा बिहीबार आयोजित सम्पर्क कार्यालय स्थापना कार्यक्रममा बगडियाले अग्रज नेता कार्यकर्ताहरूसँग उनले सुझाव लिएका हुन् ।
पूर्वमन्त्री लालबाबु पण्डित र एमालेका केन्द्रीय सदस्य तथा मोरङ इन्चार्ज ऋषिकेश पोखरेललगायत नेता उपस्थित एमाले रतुवामाई–३ को वडा भेलामा उनले सुझाव लिएका थिए ।
कार्यक्रममा बोल्दै बगडियाले मतदाताले आफ्नो जित पक्का भएको बताएका कारण आफू निर्धक्क भएको सुनाए ।
रंगेलीलाई नमूना सहर बनाएको स्मरण गराउँदै उनले यस क्षेत्रमा पर्ने २९ वटै वडामा समान विकास गर्ने कुरा दोहोर्याए ।
आएको रंगेली नगरपालिकाको प्रमुख पद उपप्रमुखलाई सुम्पिएर उनी चुनावी मैदानमा होमिएका हुन् ।
आगामी फागुन २१ गते हुने चुनावको तयारीस्वरूप बगडियाले आफ्नो क्षेत्रभरिका आममतदाताका साथै पार्टी, भातृ अनि जनवर्गीय संगठनको भेला तथा छलफललाई तीव्रता दिएका छन् ।
तीव्र रूपमा छलफल र भेलामा सक्रिय रहेका बगडियाले यस क्रममा आफ्नो निर्वाचन क्षेत्रका विभिन्न पालिकाका वडाहरूमा पुगेर चुनावी तयारी र रणनीतिबारे भलाकुसारी गरिरहेका छन् ।
पार्टीका अगुवा र नागरिक समाजसँग छलफल थालेका बगडियाले स्थानीय रूपमा सम्बोधन गर्नुपर्ने विकासका मुद्दा तथा जनअपेक्षाका विषयमा पनि विचार विमर्श गर्ने गरेका छन् ।
जनचाहनाअनुसार आफू अघि बढ्न र विकासलाई गति दिनकै लागि आफू उम्मेदवार बनेको बताउने अग्रवालले जनतासँग छलफल गरेर क्षेत्रगत योजना बुन्न थालेका छन् ।
उनले स्थानीय सडक, पुल–पुलेसा, सिँचाईलगायत विषयमा उठेका मुद्दाहरूमा समेत छलफल गरी समस्या समाधानमा आफूले दर्बिलो ढंगले पहल लिने प्रतिबद्धता जनाउने गरेका छन् ।
करिब आठ वर्षजति नगरपालिकाको नेतृत्व गर्दा उनले मोरङको पुरानो सदरमुकामको साख पुरानै लयमा फर्काउने सफल प्रयास गरेका थिए ।
नगर फेर्न सफल बनेका बगडिया अहिले उक्त जिम्मेवारी नगरउपप्रमुखलाई सुम्पिँदै निर्वाचन क्षेत्रकै मुहार फेर्न तम्सिएका छन् ।
