काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफू विपक्षी राजनीतिक दलका नेताहरूको आलोचना वा गाली गर्ने पक्षमा नरहेको बताएका छन्।
बिहीबार आफ्नो निर्वाचन क्षेत्र चितवन–२ पुगेका लामिछानेले कुनै राजनीतिक दल वा अमूक नेतालाई लक्षित गरेर गाली गर्नु आफ्नो उद्देश्य नभएको स्पष्ट पारे। ‘म कुनै राजनीतिक दल या अमूक नेतालाई गाली गर्ने पक्षमा छैन,’ उनले भने, ‘नेपाली जनताबाट अपदस्त भइसकेकाहरूलाई गाली गर्नै पर्दैन।’
चितवनले नेपालमा निलो क्रान्तिको बीउ रोपेको उल्लेख गर्दै उनले मतपत्रमार्फत जनताको भाग्य र भविष्य कोर्ने अभियानको सुरुवात यहीँबाट भएको बताए।
