झापा–५ मा राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहको सम्पर्क कार्यालयमा तोडफोड भएको छ।
कमल गाउँपालिका–२ मा रहेको सम्पर्क कार्यालयको झ्यालको सिसा फुटेको अवस्थामा फेला परेको प्रहरीले जनाएको छ।
घटनाको जानकारी पाएलगत्तै प्रहरी टोली घटनास्थलमा पुगेर अनुसन्धान सुरु गरेको छ।
झापाकी एसपी बसुन्धरा खड्काका अनुसार तोडफोड कसले र किन गरेको हो भन्नेबारे बुझ्ने काम भइरहेको छ।
झापा–५ बाट रास्वपाका तर्फबाट बालेन शाह उम्मेदवार रहेका छन्। यही क्षेत्रबाट नेकपा एमालेका अध्यक्ष केपी शर्मा ओली पनि उम्मेदवार छन्।
थप विवरण आउन बाँकी रहेको र छानबिन गरी दोषी ऊपर कडा कारवाही गरिने प्रहरीले जनाएको छ।
