काठमाडौं– स्थानीय बजारमा आज सुनचाँदीको मूल्य फेरि बढेको छ । मङ्गलबारको तुलनामा बुधबार दुवै बहुमूल्य धातुको मूल्य वृद्धि भएको हो ।
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य तीन लाख चार हजार सात सय कायम भएको छ । यस्तै, एक तोला चाँदीको मूल्य पाँच हजार ६०० रुपैयाँ पुगेको छ । मङ्गलबारको तुलनामा आज सुनको मूल्य तोलामा १४ हजार ४ सय रुपैयाँले बढेको महासङ्घले जनाएको छ ।
यसअघि मङ्गलबार एक तोला छापावाल सुनको मूल्य दुई लाख ९० हजार ३०० रुपैयाँ र चाँदीको मूल्य पाँच हजार ३३५ रुपैयाँ रहेको थियो ।
अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन पाँच हजार ५८ अमेरिकी डलरमा कारोबार भइरहेको छ भने सेतो धातु (चाँदी) प्रतिऔँस ८८ अमेरिकी डलरमा किनबेच भइरहेको छ ।
