काठमाडौं– नेकपा (एमाले) का महासचिव शंकर पोखरेलले २१ फागुनमा हुने प्रतिनिधिसभा निर्वाचनमा एमालेको मुख्य प्रतिस्पर्धा नेपाली कांग्रेससँग हुने बताएका छन्।
प्रेस चौतारी नेपालले शुक्रबार काठमाडौंमा आयोजना गरेको पत्रकार सम्मेलनमा बोल्दै महासचिव पोखरेलले यस निर्वाचनमा एमाले र कांग्रेसबीच नै मुख्य प्रतिस्पर्धा हुने विश्लेषण प्रस्तुत गरेका हुन्। उनले राष्ट्रिय स्वतन्त्र पार्टी (रास्वपा) काठमाडौं उपत्यकामा प्रतिस्पर्धामा नरहेको दाबीसमेत गरे।
‘काठमाडौंमा राष्ट्रिय स्वतन्त्र पार्टी प्रतिस्पर्धामा नै छैन भन्ने विश्लेषण आइरहेको छ,’ उनले भने, ‘रास्वपाको प्रभाव सहरी क्षेत्रको तुलनामा ग्रामीण क्षेत्रमा केही बढेको देखिए पनि त्यो चुनाव जित्ने तहसम्म पुगेको छैन। त्यसैले एमालेको प्रतिस्पर्धा कांग्रेससँग नै छ।’
महासचिव पोखरेलले भदौ २३ र २४ को जेन–जी आन्दोलनपछि नेपालमा विदेशी कठपुतली सरकार निर्माण गरिएको आरोपसमेत लगाए।
