काठमाडौँ– नेपाली बजारमा आज पनि सुनचाँदीको मूल्यले नयाँ कीर्तिमान कायम गरेको छ। नेपाल सुनचाँदी व्यवसायी महासङ्घका अनुसार आज एकै दिन सुनको मूल्य तोलामा २० हजार ५ सय रुपैयाँले वृद्धि भएको हो।
महासङ्घका अनुसार आज छापावाल सुनको मूल्य प्रतितोला ३ लाख ३९ हजार ३०० रुपैयाँमा कारोबार भइरहेको छ, जुन हालसम्मकै उच्च मूल्य हो। यसअघि बुधबार सुन प्रतितोला ३ लाख १८ हजार ८०० रुपैयाँमा किनबेच भएको थियो।
यस्तै, आज चाँदीको मूल्य पनि तोलामा २०५ रुपैयाँले बढेको छ। हाल चाँदी प्रतितोला ७ हजार ५०५ रुपैयाँमा कारोबार भइरहेको छ। बुधबार चाँदीको मूल्य ७ हजार ३०० रुपैयाँ थियो।
सुनचाँदीको मूल्यमा निरन्तर वृद्धि हुँदा बजारमा चासो र चर्चा बढ्दै गएको छ।
